சிறு பிராயத்தை பற்றி
சிலவேளைகளில்
சிந்தித்துப் பார்க்கையிலே
சிந்தையில் எப்போதும்
சில கேள்விகள் எழுவதுண்டு .
சிலவழிக்கப் பணமில்லை ,
சீரில்லா நாட்டு நிலைமை ,
சின்ன வயதாக இருந்தாலும்,
சிரமமான வாழ்வுநிலை இப்படி ,
சிக்கல்கள் எத்தனையோ இருந்தாலும் ,
சிரித்த முகத்துடனும்,
சிநேகித குழாமுடனும்,
சிந்தனைகள் எதுவுமின்றி ,
சிறப்பாகவே அமைந்தது .அந்த
சின்னஞ்சிறு பராயங்கள்.
சித்திரைக்கு மட்டும் புத்தாடை ,
சிலவேளைகளில் பிறந்தநாளுக்கும்.
சில ஆடைகளே உடுப்புப்பெட்டிக்குள்,
சிரிப்புமகிழ்ச்சி குறைவின்றி முகத்தில்,
சினமில்லா மனமென்றும் நெஞ்சுக்குள்.
சித்தப்பா பெரியப்பாவோடும் ,
சிநேகிதம் அயலவரோடும் ,
சிற்சில முகமுறிவுகள் நடந்தாலும் ,
சிலநாளிலேயே அது மறைந்து
சீர்பட்டு விடுமே அந்த ,
சிலோன் வாழ்க்கையில்.
சில்லறைகளுக்கெல்லாம்
சிலநாளில் கிடைத்த பணமின்று
சிறகுகளாய் அமைந்து போனது.
சிரித்த முகமும் போனது .
சீ… என்று போகிறது இந்த
சீலம்பாய் வெளிநாடு ,
சிரித்தால் மற்றவர் பதிலுக்கு
சிரிப்பினமோ என்று
சிந்திச்சபடியே இங்கே
சீவிப்பதும் ஒரு வாழ்க்கையோ ?.
..
சிரிப்பு நேசன்