Breaking News

மாமர நிழலில் கவிதை ஈழத் தென்றல்

ஓங்கி நின்ற மாமர நிழலில்
ஒட்டிக் கொண்டு நீ இருக்க
காது மடல்களிலே
மூச்சுக் காற்று வெப்பம் சேர்க்க

இடுப்பை வளைத்த கைகளிலே
இதமாக நான் சரிய
இன்பமான கவிதைகளை
இசையோடு நீ உரைக்க

கருகலான இருளோடு
நிழலாக நின்றோமே
கட்டிக் கொண்டு கதை கதையாய்
நாள் முழுதும் அளந்தோமே

வான்வெளியில் ஒளித் துளையாய்
ஆங்காங்கே மின்மினிகள்
விரித்து வைத்த சேலையென
வான் வெளியில் கரும் முகில்கள்

முகில் எனக்கு பிடிச்சிருக்கு
கரும் இருளும் பிடிச்சிருக்கு
உன்னையும், பிடிச்சிருக்கு
உன் கரு நிறமும் பிடிச்சிருக்கு

கழுத்திலே கட்டிக் கொண்ட
கருமணியும் புடிச்சிருக்கு
உந்தன் கருப்பு நிறத்தினிலே
எனக்கு பைத்தியமே பிடிச்சுருக்கு

கருப்பில் கொஞ்சம் தூக்கலான
கனவுக் கன்னி உன்னையே
நித்தமும் கனவு காணும்
என்னை உனக்கு பிடிக்கல்லையா?

ஆக்கம்  ஈழத் தென்றல்

leave a reply