Breaking News

கவிதை கவிஞர் ஆனைக்கோட்டை தமிழ்நேசன்

 

சின்னஞ் சிறு வயதில்
சேர்ந்து நாம் இருந்தோம்
சிந்தையில் தினம் உனை வைத்து
பூசைகள் பல செய்தேன்
உன் வார்த்தைகளால்
தினம் வியப்புற்றிருந்தேன்
உன் அன்பெனும் ஆற்றில்
அலைகளாய் சேர்ந்தே இருந்தேன்

உன் விழிகளில் தோன்றிய மின்னல்களே
என் விழிகளைப் பறித்து
உன் விழிக்குள் புகுத்தியது
உன் வழிக்குள் என் விழியை
பதித்து விட்டதால்
உறக்கமெல்லாம் உன் விழியால்
நான் பெற்றேன்

மழை காலத்து நிலவு போல்
மறைந்தே இருந்தேன் உன் உயிரில்

புரியாதோ உனக்கு இப்பூவின் மணம்
புன்னகை விரியாதோ பூப்போல்
புழுவாய்த் துடித்த நாள் அன்று – புரிந்தும்
புயலால் நனைந்த நாள் இன்று
துடிக்குது துயருற்ற ஓர் உறவு
சொர்க்கங்களையெல்லாம் சொந்தமாக்கியவன் அன்று
சோகங்களையா சொந்தமாக்க வேண்டும் இன்று

சொல் மனமே சொல்
நெஞ்சம் இனிக்கிறது அன்றைய
நினைவுகளையெண்ணி
பொய்யாகிப் போகாதோ
பிரிவு என்ற பெருந்தோகை!

கவியாக்கம்: கவிஞர் ஆனைக்கோட்டை தமிழ்நேசன்

Merken

leave a reply