Breaking News

சேற்றுவயலில் செழித்திடும் வாழ்வு


ஆற்றில காலைக்கழுவி
ஆடிஅசைந்து போற புள்ள
சேற்றில காலைவச்சா தான்
தேடும் வாழ்வு கிடைக்கும்புள்ள

நீ உண்ட சோறும்
நானும் உண்ணும் சோறும்
பார் உண்ணும் உணவெல்லாம்
சேற்றில் விழையும் கொடை அடிபுள்ள

விவசாயி இல்லையென்டா
விலங்குகள் தான் நாமும்
பசியாற முடியாது
ஊண் உண்ண வேண்டும் அடிபுள்ள

சேற்றுகால் உழைக்கையிலே
மண்தாயும் மனதார வரம் தருவாளே
பயிர்களும் விழைந்தும்
பசுமையும் நிறைந்திடும் பாரடிபுள்ள

இந்த போகம் விளைச்சல் வந்தா
ஒட்டியாணம் வாங்கித்தாரன்
ஒத்தாசைக்கு இறங்கி
நடவு நடவன்புள்ள

.
போங்க போக்கிரி மாமா
போதுமே சால்ஜாப்பு
தாரமென ஆனபின்னே
தருமன்வழி நான் தானே

ஆதவன் மழைபொழிய
ஆற்றிலே நீர்வழிய
பசுமை வயலாக
பார்ப்போம் நாம் புது கனவாக..!

கவிக்குயில் சிவரமணி

Merken

leave a reply