Breaking News

கொட்டுமழை நீ எனக்கு

அந்தி வானின் வண்ண முகிலே…
அழகு ததும்பும் அல்லி மலரே…
அன்ன நடை பயிலும் நிலவே…
அதிசய தேவதை நீ எனக்கு..!!

அடிமனதில் உந்தன் நினைவே…
அல்லும் பகலும் கனவும் நீயே…
அன்பின் உருவாக வந்த உறவே;
அத்தை மகள் நீ எனக்கு..!!

மழலைச் சிரிப்பில் மயக்கும் அழகே…
மாங்குயில் இசையே மரகத மயிலே…
மாந்தோப்பு அணிலாக தாவுது மனதே…
மறையாத வானவில் நீ எனக்கு..!!

கொஞ்சும் மழலை பேச்சழகே…
கொவ்வைப்பழ உதட்டழகே…
கோடைக்கால வெப்பத்திலே;
கொட்டும் மழை நீ எனக்கு..!!

வேலணையூர் ரஜிந்தன்.

leave a reply