Breaking News

ஒளிப்பார்வை

பெண்ணென பூமியில்
பூத்திட்ட பொற்கொடி
கண்ணென பிறந்திட்ட
கவிமங்கை மாதினி
பொன்னென மிளிரும்
பொன்நகை நங்கை
மெல்லின மேனியாள்
மேதினிக்கே மோகினி

பிரம்மனின் சூத்திரத்தில்
பிறந்திட்ட பிரளயம்
காவியமே ஓவியம்
கண்டதும் ஆச்சரியம்
ஒருபெண் ஓராயிரம் மோனம்
ஒவ்வாது பொழுதும்
ஒரு நொடி பார்த்தால்
ஓடிடும் காலம்

கண்ணீர் சிந்திடும் மாது
கலங்கிய நிலையது கேளீர்
பன்னீர் தெளித்திடும் அழகில்
பாலையென நீர் அகற்றியதாரோ
கொஞ்சிடும் விழியில்
சோகம் மிஞ்சிடும் கோலம்
தந்திடும் பாவை
தரணிக்கு இவளே ஓவியப்பாவை

ஒவியப் பாவை ஒழிந்தாளோ
பத்திரம் தேடி படமானாள்
சித்திரவிற்பன்னருகளுக்கு கருவாகி
சிறந்த ஓவியப் பாவை தானானாள்
கற்பனை கரைதேடிட கலையும்
கவிதைகளும் ஊற்றாயின
காலக்கிடங்கில் மறையாது
காற்றுவெளியிடை கானமோ ?ஓவியப்பாவை.

திருகோணமலை சிவரமணி

leave a reply