Breaking News

நானெனப்படுவது என் பெயர்

உடலை உரித்து உரித்து
உள்ளிருக்கும்
உயிரைப்
பற்றிப்பிடித்தேன்
சூன்யம் படர்ந்த
கையிறுகலின் இருட்டில்
ஒழிந்துகொண்டது
உயிர்

விரல்களை சீவத் தொடங்கினேன்
ஒவ்வொரு துளி
குருதியாய் வடித்தேன்
என்பின்
ஒவ்வொரு கீலங்களையும்
பூதக்கண்ணாடியால்
பரிசோதித்தேன்

விரல்கள் சீவி முடிந்ததும்
உள் நுளைந்த விழிகளுக்கு
உயிர்
தென்படவில்லை

உயிர் கண்களுக்குள் சென்று
ஒழிந்து கொண்டது
இப்போது
கண்களை
எழுத்தாணிக் கூரால்
குத்தி வெளியெடுத்தேன்

உயிர் ஒரு
பிரம்மாண்ட உருவமாய்
என் முன் நின்று
சிரித்தவாறு கூறியது
இதோ நான்
இங்கிருக்கிறேன்

பிதுங்கிய விழிகளும்
சதைகளும்
குருதியும்
சேர்ந்து சிரித்தன

அப்போது
ஒளியற்ற
உலகத்துள்
உயிரை கற்பனை செய்து
கொண்டேன்

பாவம் உடல்

துய்த்தலின்றி
தொடுதலின்றி
புணர்தலின்று
இரசித்தலின்றி
பிணமென அழுகியது

எல்லாம் மாயை என
மேலெழுந்த புகை
சிரித்தது

– அனாதியன்-

leave a reply