Breaking News

வெளிநாடும் நாமும்

பகல் கனவாய் நினைக்கவில்லை
நிஜமான வாழ்வென்று வந்தால்
வெளிப் பூச்சில் மட்டுமே
வண்ணங்கள்
வெயில் உருக்கி
பனி நனைத்து தடிமல்
காய்ச்சல் என
சுருண்டு படுத்தாலும்
தட்டி எழுப்புகிறான் அதிகாலையில்
களம் போவென

வலித்தாலும் அம்மா என்று அழ
மனம் இல்லை
அணைத்து தழுவ வரமாட்டார் என்று
இரும்பு கவர் சப்பாத்தும்
றப்பர் தொப்பியும்
பாரமோ பத்து கிலோ
படுத்தால் நித்திரை வரும்
எழும்ப முடியா கால் நோவு

கருமுகிலாய் வளர்த்து வைத்த
முடி மொட்டை போட்டு
வியர்வையும் வழுக்கி விழுகிறது
சுடு தண்ணி குளியல்
நரம்பும் அவிந்து போகிறது

இளமை தொலைத்தோம்
இளமுதுமை வாங்கி கொண்டோம்
காசுக்கு எம்மை விற்றோம்
அமைதி அற்ற சாப்பாடு தின்று

சுதர்சன்

leave a reply