Breaking News

உடல் தின்னும் பசி

உடல் தின்னும் பசி
உயிர் வாடும் நிலையில்
உறவுமின்றி ஊருமின்றி
உடல் வெந்து போகுதிங்கே

ஆழமறியப் பசியது
உடலில் நிலைபுரியாது
கண்டபடி பசிக்கிறது
கருகித்தான் போகிறது
அரைச்சாண் வயிறும்

வாழ வழியும் தெரியவில்லை
வறுமையென்னும் கோட்டுக்குள்ளே
நாவறண்டு நலமின்றி
திண்டாடுதே மனித இனம்

இருக்கும் போது
கொடுக்க மறக்கும் உறவுகள்
இறந்தபின் படையல்கள்
மட்டும் பலமாக நடக்கிறது

பணமொன்றே குறியாக
பாசங்கள் இங்கே விலையா
அண்ணன் என்ன தம்பி என்ன
அடிபிடிகள் வளருதிங்கே

பாழப்போன இந்த மனசு
பாத்து பாத்து ஏங்குமிங்கே
பசியில் வேகுது வயிறும்தான்
பார்போருக்கும் மனமும் இரங்கவில்லை

மழையின்றி விவசாயம்
மண்ணில் கருதித்தான் போகிறதே
ஊருக்கே உணவளிக்கு உத்தமர்கள்
உடல் தின்னும் பசிக்காக
இரைதேடுவது பாவமல்லோ

ஜெசுதா யோ

leave a reply