Breaking News

ஏமாற்றம்

இளகிய மனம்கண்டு
ஏய்த்துப் பிழைக்க
சிலருண்டு
அறியாத
என் மனம்
ஏமாந்து நின்றது
பேசுவதெல்லாம்
உண்மையென நம்பியதால்
உள்ளம் அழுகிறது
யாரும் இல்லாத
தேசம் வேண்டும்
பொய்கள் இல்லாத
மனிதர்கள் வேண்டும்
பசுமை மட்டுமே
பார்த்துரசிக்க வேண்டும்
கவலைகள் தீர
தனிமையில் அழுது முடிக்க வேண்டும்
உயிர் என்றும்
உறவேன்று சொன்னவர்கள் கூட
உண்மையில்லாத நிலைகண்டு
உயிர் பிரியும் வலியுணர்ந்தேன்
இதயம் முழுக்க பாரம்
எங்கே இறக்கி வைக்க
எல்லாப் பக்கங்களும்
ஏமாற்றுக்காரர்கள்
கூரையென வானமும்
சுவர்களென மரங்களும்
துணைகளென பறவைகளும்
தீங்கில்லாத வாழ்க்கை
விரக்தி மட்டுமே
என்னில் முழுவதுமாய்
எங்கும் எதிலும்
பொய்யும் போலியும்
வேண்டாம்
யாரும் வேண்டாம்
எதுவும் வேண்டாம்
என்னை விட்டால்
நான் வாழ்வேன்
சில காலமென்றாலும்
உயிரோடு….
நம்பிக்கை வைத்த
இதயம் கூட
என்னை தவிக்கவைத்த போது
எல்லாம் வெறுத்தேன்
என் உயிரைக் கூட
துறக்க நினைத்தேன்
மரணம் மட்டுமே
முடிவென்றுணர்ந்தேன்
பாசங்கள் எல்லாம்
வெளி வேஷங்களே
அன்பு என்பது
தேவைக்கு மட்டுமே
வேண்டாம்
போதும் என்கிறது
என் கண்ணீர்
முடிவுக்கு வர நினைக்கிறது
வென்று விட்டேன்
இந்த உலகில்
புரிந்து கொண்டேன்
மனித மனங்களை…
நானே……….
ஜெசுதா_யோ

leave a reply