Breaking News

உருகுகிறோம் எங்கள் முகம் பார்த்தருளவா! .இந்துமகேஷ்

ஏற்றிய தீபங்கள் தீபங்கள் அல்ல
எங்கள் மனமல்லவா! – அதில்
தெரிகின்ற ஒளி உந்தன் முகமல்லவா!
துன்ப – இருள் நீக்கவா-
சூழும் இடர் போக்கவா- எங்கள்
மனமாளும் வடிவேலவா!

கார்த்திகை தீபங்கள் ஏற்றிவைத்தோம்!
கந்தா உன் பொன்னடி போற்றிநின்றோம்!
காத்தருள்வாய் என்று வேண்டுகின்றோம்
கண்ணீரில் மாலைகள் சூட்டுகின்றோம்!

துன்ப – இருள் நீக்கவா-
சூழும் இடர் போக்கவா- எங்கள்
மனமாளும் வடிவேலவா!

வேழமுகம் கொண்ட நாதன் தம்பியல்லவா
ஈழமதன் துயர்நீக்கி எம்மைக் காக்கவா!
நாளும் உந்தன் புகழ்பாடி நாங்கள் தொழுதோம்
நாயகனே நீ எழுந்து அருள் செய்யவா!

துன்ப – இருள் நீக்கவா-
சூழும் இடர் போக்கவா- எங்கள்
மனமாளும் வடிவேலவா!

உன்னையன்றி தஞ்சமினி வேறிடமில்லை
உருகுகிறோம் எங்கள் முகம் பார்த்தருளவா!
மண்ணுலகை வாழவைக்கும் தெய்வமல்லவா
வடிவழகா எங்கள் நிலம் காத்தருள வா!

துன்ப – இருள் நீக்கவா-
சூழும் இடர் போக்கவா- எங்கள்
மனமாளும் வடிவேலவா!

-இந்துமகேஷ்

leave a reply