Breaking News

உயிர்  குடிக்கும் பேய்

14_12_2018_ இன்று போதைப்பொருள்
சம்மந்தமான சித்திர போட்டிகள் முல்லைத்தீவு இளைஞர்களுக்கு மிகவும்
சிறப்பாக நடைபெற்றது……தன்னிலை மறக்க
தானே வழிய தேடும்
சாபம்

உணர்வினை மறந்து
உண்மை நிலை மறந்து
கனவுக்குள் காலம்
செல்ல , உயிர்
குடிக்கும் பேய்

ஓடியாடி விளையாடி
சிரித்து மகிழும் வயதில்
ஒரு மூலையில் முடங்கி கிடக்க
எப்படி முடிகிறது இளைஞனே?

விஷத்தை அமுதாய்
விழுங்கிட எப்படி முடிகிறது?

நரைவிழுந்து
பல்விழுந்து
தடியூன்றும் முன்னே
பிஞ்சிலேயே பழுத்து
உதிர்ந்துவிட துடிப்பதேன்?

சாதனைகள் காத்துகிடக்க
சரித்திரங்கள் தன்
பக்கங்களை இளைஞனே
உனக்காய் விரித்து வைத்திருக்க
நீ ஏன்
உனக்காய் குழி வெட்டி
நீயாய் விழ ஆசைபடுகிறாய்?

இளைஞனே ஏதாவது
ஒரு போதைக்கு எப்போதும்
அடிமையாகாமல்
சுயமாய் மூளையை
சிந்திக்க விடு!

சுதந்திர பூமியில்
போதைக்கு அடிமையாகாமல்
நீ நீயாய் இருந்துவிடு

குமாரு. யோகேஸ்

leave a reply