Breaking News

உலக தாய்மொழி தினம்

பாதத்தில் சிலம்பும்
இடுப்பில் மணிமேகலையும்
கழுத்தில் சிந்தாமணியும்
காதுகளில் குண்டலகேசியும்
கைகளில் வளையாபதியும்
சூடி மிடுக்குடன் நடைபோடும்
தமிழன்னையின் தாய்மொழி
தமிழ் மொழி !!!
உலகின் மூத்தமொழியாய்
மொழிகளுக்கு அதிபதியாய்
உயிர் கொடுத்து மெய்யூட்டி
உயிர் மெய்யாகி தமிழ்
நெடுங்கணக்கில் முத்திரை பதித்து
எழுத்தியல் சொல்லியல்
தொடரியல் புணரியல்
பொதுவியலென இலக்கண
ிலக்கியத்தால் அரியணை
ஏறிய மொழி தமிழ் மொழி!!
உலகம் போற்றும் திருக்குறள்
எழுதப்பட்ட மொழி
அது நம் தாய்மொழி
கலைகளாலும் கட்டுரைகளாலும்
உரைகளாலும் கவிதைகளாலும்
பல்துறை அரங்கிலும் பவனி வரும்
தன்மானத் தமிழரின் தாய்மொழி
தமிழ்மொழி!!
தான் வாழும் இடமெங்கும்
தமிழ் மணம் பரப்பும்
உறவுகள் அனைவருக்கும்
தாய்மொழி தின நல்வாழ்த்துகள்!!!
-கௌரி-

leave a reply