Breaking News

நான் என்று சொன்னால் உதடுகள் ஒட்டாது

நான் என்று சொன்னால் 
உதடுகள் ஒட்டாது 
நாம் என்று சொன்னால் 
உதடுகள் ஒட்டுமடா 
எனது உனது என்றால் 
உதடுகள் முட்டாது 
எமது உமது என்றால் 
உதடுகள் முட்டுமடா

ஆணவம் எம்மை அழித்துவிடும் 
ஆசைகள் எம்மை ஒழித்துவிடும்
பணிவே எம்மை உயர்த்திவிடும
கனிவே என்றும் இனித்துவிடும் 
மனதினில் ஓர் ஓரத்திலாவது 
கருணை இருந்துவிட்டால்-நமது 
கர்வம் தொலைந்துவிடும்
காருண்யம் நிலைத்துவிடும்

பொன்னும் மண்ணும் பொருளும் 
நம்ம கூடவருவதில்லை 
அண்ணன் தம்பி உறவு அது 
ஆனந்தத்தின் எல்லை 
விட்டுக்கொடுக்கும் மனமிருந்தால் 
தொட்டதெல்லாம் துலங்கும் 
பட்டதுன்பம் எல்லாம் 
பனிபோலே விலகும்

கவிஞர் எழுத்தாளர் கோவிலுார் செல்வராஐா

leave a reply