“ அதுக்கு மண்டைபீஸ் எப்பவும்
இப்படித்தான் கத்திக்கொண்டிருக்கும்“
வீசும் வார்த்தைகளில்
புண்ணை தோண்டி புதையல் எடுக்கும்
ஒரு சில நரம்பில்லா நஞ்சர்களே !
வலிகளில்
பழிக்கப்படும் நம் வாழ்வு,
வார்த்தைகளால் நசிக்கபடுவது
எத்தனை வேதனை தெரியுமா?
பெரும் புயலில் இருந்து
விடுபட்டு
அந்த வடுக்களுடன்
தேக நெருப்பில் நீந்தும்
சன்னத் துகள்களை
தாங்கி பயணிக்கும் உறவுகள்
உன் இனமே தெரிந்து கொள் !
,
இப்படி வீசும் வார்த்தைகளால்
கடந்துபோக முடியாமல்
ஒடுங்கி ஒதுங்கி நசிபட்டு
வலிகளின் சந்தையில்
வரிசை கட்டி நிற்கின்றன
எங்கள் உறவுகள்,
புரிந்து கொள்ள மாட்டாயா?
„தயவு செய்து இனியேனும் கவனத்தில் கொள்க“
−தே.பிரியன்−