Breaking News

முயன்றால்_வெற்றி_உனதே

உன்னைப் பற்றி ஒருவன்
வசைபாடுகிறான் என்றால்
கொஞ்சமும் அஞ்சாதே
சும்மா இருப்பவனின்
பொழுது போக்கு அது
தன்னைப்பற்றி தனக்கே
நம்பிக்கை இழந்தவன்
மற்றவனைப் பற்றி
அதிகம் புராணம் பாடுவான்
சமுதாயம் ஒரு விலங்கினம்
நீ தோற்றாலும் தூற்றும்
நீ ஜெயித்தாலும் பின்னோடு வரும்
நீ வெற்றி பெறும் போது
எண்ண மறவாதே
முடிவல்ல தொடக்கம் என்று
நீ தோல்வியை சந்தித்தாலும்
எண்ணிக் கொள்
அடுத்து வெற்றி என்று
உறுதி கொள்
ஆலமரம் காற்றுக்கு
அசைவதில்லை
புயல் அடித்து சரிந்தால்
எழும்வுவதில்லை
நாணல் காற்றுக்கும்
ஆடியபடியே சரியும்
மீண்டும் நிமிர்ந்து நிற்கும்
நினைவிருக்கிறதா உனக்கு
நீ நாணல் போல் இருந்துவிடு
அதை பார்த்து ஏளனமாய் எண்ணிவிடாது
குனிந்தும் பணிந்தும் இருந்தவன்
சமுதாயத்தில் தாழ்ந்ததில்லை
உழைப்பின்றி முன்னேற எண்ணிவிடாதே
தோள்கள் வலிக்க உழைத்தவன்
வாழ்க்கையில் வீழ்ந்தவனில்லை
பிறர் பேச்சைக் கேட்டு
அஞ்சிவிடாதே
தன்னம்பிக்கை ஒன்று தான்
உன் உயர்வின் ஊன்றுகோல்
மறந்துவிடாதே
முயற்சி அது உன்னோடு
என்றும் இருக்கவேண்டும்
உன்னைத் தடுக்க
எமனாலும் முடியாது போகும்
உழைத்துக் கொண்டே இரு
பிறரின் ஊதாசினங்களை மற
வெற்றி அருகில் இருக்க
வெறும் வெட்டிப் பெச்சுக்கு மடியாதே
சோதனையின்றி சாதனையில்லை
தொடரும் சோகத்தில்
மிளிரும் வெற்றி உனதாகும்
குறிக்கோள் உள்ளவன்
குன்றிப் போனவன் இல்லை
வியர்வைத் துளிகள் நிலத்தில் சிந்து
வெற்றிப் படிகள் உன் கையில் எடு
இலைகளெல்லாம் உதிந்தது கண்டு
மரங்கள் இறக்க நினைத்தால்..
வசந்தகாலம் வந்ததும்
வசந்தம் வீசுவது எப்படி .,?
எண்ணி நட
எட்டிப் பிடி
ஏணிகள் இருக்கிறது
ஏறிக்கொள் நீயும்
வெற்றிகள் உனது
பற்றிக்கொள்
கைதட்டல்கள்
உனக்கானது
மகிழ்ச்சி கொள்
முயற்சியின் வெற்றிகள்
உனதே….//
ஜெசுதா யோ….

leave a reply