Breaking News

முத்தம்_


முத்தம்
பிரியத்தின் முத்திரை
யாசிப்பின் ஒத்திகை
கூடலின் திறவுகோல்
ஊடலின் முற்றுப்புள்ளி
காதலின் பசி தீர்க்கும்
மூவேளை தாண்டிய
எவ்வேளைக்குமான உணவு
அன்பின் இடைவெளியும்
அதீத நெருக்கமும்
முத்தத்தை சார்ந்திருக்கும்
முத்தங்களே
உணர்வுகளுக்குச் சத்து
ஊடல்களின் போதான
சிறு விரிசல்களையும்
கூடலின் தாப முத்தங்கள்
சீர் செய்து விடுகிறது
தூய்மையான முத்தங்கள்
என்றும் புனிதமானவை
முறை தவறிய முத்தங்கள்
அசுத்தமானவை
முத்தங்கள் எப்போதும்
புனிதத்தைப் பேணட்டும்!

கவியாக்கம் – வேலணையூர் ரஜிந்தன்.

leave a reply