Breaking News

குறுமழை இரவு

குறுமழை இரவு


மின்னி வரும் ஒலியோடு
அறை நிரம்பி வழியும் குளிர்
உடலோடும் உணர்வோடும்
ஒட்டிக்கொள்கிறது கூதல்
பழரசக் கோப்பைக்குள்
எறும்பென – ஏதோவோர்
தெளியாத மயக்கத்தில் மேனி
ஆத்மார்த்தமாய்த் தேகம் தீண்டி
சில்லென்று சிலிர்க்கிறது
மழைக்காற்று
இன்பத்தை இறைத்துத் தீர்க்கும்
மழையின் துளிகளிலெல்லாம்
அன்பின் சாயல்கள்
சாளரத்தை முத்தமிடும்
தூறல்களில் கசிவதெல்லாம்
நேசத்தின் ஈரங்கள்
ஆம்,
நிஜங்களை மட்டுமல்ல
நினைவுகளையும் துளிர்விக்கிறது
இந்தக் குறுமழை இராப்பொழுது!

  • வேலணையூர் ரஜிந்தன்.
    18.09.2021

leave a reply