உண்மை உருவமதை
உணராநிலை இது
பொய்மை பெருக்கெடுத்து
புலரும் விடியலிது
மெய்கள் குழிதோண்டிப்
புதைத்த தேசமிது
தமிழன் நாமமதை மட்டும்
உயர்த்தும் காலமிது
நல்லவை மருகி
நடுத்தெருவில் விட்ட கதை
வல்லவை எல்லாம்
வழிமாறி போன நிலை
போடும் உனதாட்டம் பொறு -எம்
வாழ்வை மீட்டெடுக்கும் வரை
கிழியும் முகத்திரைதான் அன்று
ஒழியும் உன் முகவரிதான்
நீ என்றும் தமிழாயிரு
இதை உணர்ந்து உன்னை வெல்
நாம் என்றும் வல்லவரே
இனி நெஞ்சை நிமிர்த்திச் சொல்
தே.பிரியன்