துபாய் ஃபாத்திமா கவிதைகள் (முகநூலினால் மூச்சு கொடுப்போம்)

ஐக்கிய அரபு அமீரகமானது மத்திய கிழக்கில் தமிழ் தவழும் முக்கிய தேசம். துபாய் என பொதுவாக அறியப்படும் இங்கே தமிழ் வளர்க்கும் நம்மவர்கள் வேறுபாடின்றி ஓரமைப்பில் உலவுதல் மகிழ்வாம். அவர்களில் பாத்திமாவும் குறிப்பிடத்தகு ஒருவர். இவர் இந்தியா தமிழகத்தின் காரைக்குடியினை பூர்வீகமாகக் கொண்டவர்.

ஃபாத்திமா அரபிக் மொழி ஆசிரியையாக பணியாற்றுகிறார். அமீரகத்தில் உள்ள தமிழ்க் குழந்தைகளுக்கு வார இறுதி நாட்களில் தமிழ் வகுப்புக்களை நடாத்தி வருபவர். துபாய் தமிழ் 89.4 பண்பலையில் அதிகமாக வாரந்தோறும் இவரது படைப்புகள் உலவுகின்றன. பிரான்ஸ் தேசத்தின் ‚தமிழ்நெஞ்சம்‘ மின்னிதழில் மாதந்தோறும் இவரது கவிதைகள் திரு.அமீன் முகம்மது அவர்கள் மூலமாக வெளியாகி வருகின்றன. அத்தோடு பல்வேறு இணையங்கள் மற்றும் முகநூற் குழுமங்களில் தொடராக படைப்புகள் வெளியாகின்றன. சக படைப்பாளரை ஊக்குவிக்கும் மனம். உண்மையுணர்வை தெளிக்கும் குணம்.